ക്രിസ്ത്യാനികൾ പറയുന്നു, എല്ലാ നബിമാരും പാപം ചെയ്തിട്ടുണ്ടെന്ന്. ഹസ്രത്ത് ഈസാ (അ) ഒഴികെ ഒരു നബിയും പരിശുദ്ധരല്ല എന്ന് അവർ വിശ്വസിക്കുന്നു. കാരണം അവരുടെ വിശ്വാസമനുസരിച്ച് ദൈവം അദ്ദേഹത്തെ പരിശുദ്ധനായി സൃഷ്ടിച്ചു. ദയവായി ഈ വിഷയത്തിൽ ഒരു സ്ഥിരീകരണം നൽകിയാലും.

സയ്യിദി:
ഈസാ നബിയുടെ വിഷയം വേറെയാണ്. അദ്ദേഹം ഇവിടുത്തുകാരനല്ല. പിന്നെങ്ങനെയാണ് അദ്ദേഹം അശുദ്ധനാകുന്നത്? ബാക്കി എത്ര നബിമാർ വന്നിട്ടുണ്ടോ, അവരുടെ മേൽ തെറ്റിന്റെയോ പാപത്തിന്റെയോ നിയമം ബാധകമാകുന്നുമില്ല. അത് കണക്കാക്കില്ല. ആദം സഫിയുല്ലാഹിയെ എന്തിനാണ് സ്വർഗ്ഗത്തിൽ നിന്ന് പുറത്താക്കിയത്? നന്മ ചെയ്തതിനാണോ? ഈ ഒരു കാര്യത്തിൻ മേലാണ് ക്രിസ്ത്യാനികൾ പിടിച്ചിരിക്കുന്നത്‌. ഇതിനെയാണ് അവർ ‘Original Sin (ആദിപാപം)’ എന്ന് പറയുന്നത്. നമ്മുടെ പിതാവ് പാപം ചെയ്തിട്ടുണ്ടെങ്കിൽ നമ്മൾ എന്തിന് ചെയ്യാതിരിക്കണം? അപ്പോൾ ആ ‘Original Sin’ എന്നത് ലത്തീഫയെ നഫ്സിലേക്കുള്ള സൂചനയാണ്.

നബിമാർക്കും പാപം സംഭവിക്കാം എന്ന കാര്യം ഖുർആനിൽ നിന്ന് സ്ഥിരപ്പെട്ടതാണ്. സൂറ: യൂസുഫ് വായിച്ചുനോക്കൂ. അല്ലാഹു തആല യൂസുഫ് അലൈഹിസ്സലാമിനോട് പറഞ്ഞു, ‘നാം നിന്നെ രക്ഷിച്ചതാണ്, അല്ലെങ്കിൽ നീ പാപം ചെയ്തുപോകുമായിരുന്നു’ എന്ന്. ഇത് ഖുർആനിലുണ്ട്. അദ്ദേഹം നബിയായിരുന്നില്ലേ?

നബിമാരാകുന്നത് അസലിയായ (മുൻപേയുള്ള) തീരുമാനങ്ങളല്ലേ? പ്രഖ്യാപനം നടത്തുക മാത്രമാണ് ചെയ്തത്. നബി (സ) പറഞ്ഞിട്ടില്ലേ, ഞാൻ ഈ ലോകത്തേക്ക് വരുന്നതിന് മുമ്പും നബി ആയിരുന്നു എന്ന്? അപ്പോൾ നബി (സ) മാത്രമായിരുന്നോ നബി? എല്ലാ നബിമാരും ഇവിടെ വരുന്നതിന് മുമ്പേ നബിമാരായിരുന്നു. നിങ്ങൾ ഈ ലോകത്ത് വരുന്നതിന് മുമ്പ് മുഅ്മിൻ ആയിരുന്നത് കൊണ്ടല്ലേ ഇവിടെ വന്ന് മുഅ്മിൻ ആയത്? ഖുർആനിൽ പറഞ്ഞിട്ടില്ലേ, ഇവിടെ അന്ധനായവൻ അവിടെയും അന്ധനായിരിക്കുമെന്ന്? അപ്പോൾ ഇവിടെ അന്ധനായവൻ മുമ്പ് അവിടെയും അന്ധനായിരുന്നു.

ഒരു നബിയും പരിശുദ്ധരല്ല, ഹസ്രത്ത് ഈസാ (അ) ഒഴികെ എന്നല്ല. ഹസ്രത്ത് ഈസായോടൊപ്പം ഹസ്രത്ത് ഇല്യാസുമുണ്ട്, ഹസ്രത്ത് ഇദ്‌രീസുമുണ്ട്. അവരും ഈസായെപ്പോലെ തന്നെയാണ്. ഒട്ടും കുറവല്ല. കാര്യം എന്തെന്നാൽ, ഈസാ അലൈഹിസ്സലാമിന് ഇമാം മെഹ്ദിയുടെ സാമീപ്യം നേടേണ്ടതുണ്ടായിരുന്നു. അപ്പോൾ അല്ലാഹു ഈസാ അലൈഹിസ്സലാമിന് ഒരു ജോലിയും കൊടുത്തു. പോയി ഇമാം മെഹ്ദിയുടെ കൂടെ പ്രവർത്തിക്കാൻ.

ഇദ്‌രീസ് അലൈഹിസ്സലാം ശരീരത്തോടെ ഇന്നും സ്വർഗ്ഗത്തിൽ ജീവനോടെയുണ്ട്. അദ്ദേഹം ആർക്ക് വേണ്ടിയാണ് സ്വർഗ്ഗത്തിൽ കാത്തിരിക്കുന്നത്? എവിടെ നിന്നാണോ വന്നത് അങ്ങോട്ട് തിരിച്ചു പൊയ്ക്കൂടെ? എന്തിനാണ് സ്വർഗ്ഗത്തിൽ ഇരിക്കുന്നത്?

ഹസ്രത്ത് ഇല്യാസ് (അ) ഇന്നും ഈ ലോകത്തുണ്ട്. ഒരാളെ സ്വർഗ്ഗത്തിൽ ഇരുത്തിയിരിക്കുന്നു. അല്ലാഹുവിന്റെ മനസ്സിൽ തോന്നിയിരിക്കാം, ഇല്യാസിനെ താഴെത്തന്നെ നിർത്താം, അല്ലെങ്കിൽ ആളുകൾ പറയും, ‘സ്വർഗ്ഗത്തിൽ ആരാണ് ഇരിക്കുന്നതെന്ന് ഞങ്ങൾക്കെങ്ങനെ അറിയാം’ എന്ന്. അതുകൊണ്ട് ഒരാളെ ഇവിടെത്തന്നെ നിർത്തി. ഈസാ (അ) ഉയർത്തപ്പെട്ടു. ഇദ്‌രീസ് (അ) തനിയെ സ്വർഗ്ഗത്തിലേക്ക് ഓടിപ്പോയി. അല്ലാഹുവാണോ അദ്ദേഹത്തെ സ്വർഗ്ഗത്തിലേക്ക് അയച്ചത്? അദ്ദേഹം മലക്കിനോട് നരകം കാണിച്ചു തരാൻ ആവശ്യപ്പെട്ടു. അവർ കാണിച്ചുകൊടുത്തു. പിന്നെ സ്വർഗ്ഗം കാണിച്ചു തരാൻ പറഞ്ഞു. സ്വർഗ്ഗത്തിൽ എത്തിയപ്പോൾ മലക്കിനോട് പറഞ്ഞു, ‘നിങ്ങൾക്ക് പോകാം, ഞാൻ ഇനി ഇവിടെത്തന്നെയാണ്’.

ഈ രണ്ട് മഹത്തുക്കളും, ഹസ്രത്ത് ഇല്യാസ് അലൈഹിസ്സലാമും ഹസ്രത്ത് ഇദ്‌രീസ് അലൈഹിസ്സലാമും ഇമാം മെഹ്ദി (അ) ക്ക് വേണ്ടി കാത്തിരിക്കുകയാണ്. അവർക്ക് ഒരു റോളും ഇല്ലാത്തതുകൊണ്ട് അവർ മിണ്ടാതെ ഇരിക്കുന്നു. ഈസാ അലൈഹിസ്സലാമിന് ഒരു റോളുണ്ടായിരുന്നു.

അദ്ദേഹം ഇവിടെ വന്നപ്പോൾ, തന്റെ ജോലി പൂർത്തിയാക്കണ്ടേ? റസൂലുല്ലാഹി (സ) 40-ാം വയസ്സിൽ പ്രവാചകത്വ പ്രഖ്യാപനം നടത്തി. 63 വയസ്സായപ്പോൾ അവിടുന്ന് മറഞ്ഞു. ഈസാ അലൈഹിസ്സലാമിന് തന്റെ സന്ദേശം എത്തിക്കാൻ എത്ര സമയം കിട്ടി? കഷ്ടിച്ച് രണ്ടര വർഷം. രണ്ടര വർഷത്തിനുള്ളിൽ കുരിശിൽ തറച്ചു. അദ്ദേഹത്തിന്റെ ജോലി പൂർത്തിയായില്ലല്ലോ?

അദ്ദേഹം പറഞ്ഞ ഒരു കാര്യം, അത് ആലമുൽ ഗൈബിനെക്കുറിച്ചാണ് എന്നത് വ്യക്തമാണ്. അദ്ദേഹം പറഞ്ഞു, ‘ഞാൻ പോകുന്നത് നിങ്ങൾക്ക് ഒരു സ്ഥലം ഒരുക്കാനാണ്, അവിടെ ഞാൻ നിങ്ങളെ എന്റെ കൂടെ കൊണ്ടുപോകും’.

സ്വർഗ്ഗത്തെക്കുറിച്ചല്ല അദ്ദേഹം പറയുന്നത്. അദ്ദേഹം പറഞ്ഞത്, ‘I go to prepare a place for you’ എന്നാണ്. ഞാൻ പോയി ഒരുക്കങ്ങൾ ചെയ്യട്ടെ. ഈസാ അലൈഹിസ്സലാമിന്റെ സ്വഭാവം തന്നെ അത്ഭുതകരമായിരുന്നു. ഇതേപോലെയുള്ള സ്വഭാവമായിരിക്കണം ഇമാം മെഹ്ദിയുടെ അനുയായിക്കും വേണ്ടത്.