അല്ലാഹു തആലയുടെ റഹ്മത്തും (കാരുണ്യം) ഗസബും (കോപം) ദുനിയാവിൽ ചുറ്റിക്കറങ്ങിക്കൊണ്ടിരിക്കുന്നു. ആളുകൾ പറയാറില്ലേ, ‘അപ്രതീക്ഷിത മരണം സംഭവിച്ചു’ എന്ന്. ആ ‘അപ്രതീക്ഷിതം’ എന്നത് അല്ലാഹുവിൻ്റെ ഗസബ് തന്നെയാണ്. അതിന് ഇരയാകുക എന്നതാണ്.

ദുനിയാവിൽ ചുറ്റിക്കറങ്ങുന്ന ആ റഹ്മത്ത് കൊണ്ട് ആർക്കാണ് പ്രയോജനം? ഗസബ് ചുറ്റിക്കറങ്ങുന്നത് കൊണ്ട് ആർക്കാണ് നഷ്ടം? ചുറ്റിക്കറങ്ങുന്ന ആ റഹ്മത്ത് കൊണ്ട് നിനക്ക് പ്രയോജനം ലഭിക്കണമെങ്കിൽ നിൻ്റെ ഹൃദയത്തിൽ ഈമാനും നൂറും ഉണ്ടായിരിക്കണം. ഹൃദയത്തിൽ ഈമാനും നൂറും ഇല്ലെങ്കിൽ, അല്ലാഹുവിൻ്റെ റഹ്മത്ത് നിൻ്റെ ചുറ്റുമൊക്കെ കറങ്ങിയിട്ട് പോകും, നിനക്ക് ഒരു പ്രയോജനവും ലഭിക്കില്ല.

അല്ലാഹുവിൻ്റെ ഗസബിൻ്റെ പിടിയിൽ അകപ്പെട്ടാൽ നീ നശിച്ചുപോകും. എന്നാൽ നീ ഒരു ദാകിറേ ഖൽബി ആണെങ്കിൽ, നിൻ്റെ ഹൃദയത്തിൽ ഈമാൻ ഉണ്ടെങ്കിൽ, റഹ്മത്ത് കടന്നുപോകുമ്പോൾ നിൻ്റെ ഹൃദയം ആ റഹ്മത്തിനെ വലിച്ചെടുക്കും. ഇനി ഗസബ് വന്നാലോ, അവിടെ ഇസ്മു ദാത്ത് (അല്ലാഹു എന്ന നാമം) എഴുന്നേറ്റു നിൽക്കും. ഇസ്മു ദാത്തായ ‘അല്ലാഹു’ എഴുന്നേറ്റു നിൽക്കും. അത് നിന്നെ സംരക്ഷിക്കും.

അല്ലാഹുവിൻ്റെ അദാബ്

അല്ലാഹുവിൻ്റെ അദാബ് (ശിക്ഷ) രണ്ടു തരത്തിലുണ്ട്. ഒന്ന് ളാഹിരി (ബാഹ്യം), മറ്റൊന്ന് ബാത്വിനി (ആന്തരികം). അല്ലാഹു ഏതൊരു സമൂഹത്തോട് കോപിക്കുന്നുവോ, അവരുടെ മേൽ അദാബ് അയക്കുമെന്ന് കേട്ടിട്ടുണ്ടല്ലോ. അപ്പോൾ അല്ലാഹുവിൻ്റെ അദാബ് വരും. ഈ വരുന്ന അല്ലാഹുവിൻ്റെ അദാബിന് രണ്ട് വ്യത്യസ്ത രൂപങ്ങളുണ്ട്. ഒന്ന് ളാഹിരിയായ അദാബ്, മറ്റൊന്ന് ബാത്വിനിയായ അദാബ്.

എന്താണ് ളാഹിരിയായ (ബാഹ്യമായ) അദാബ്? ളാഹിറിൽ നിനക്ക് എന്തൊക്കെയുണ്ടോ, അതൊക്കെ അവസാനിച്ചുപോകും. എന്താണ് ബാത്വിനിയായ അദാബ്? നിൻ്റെ ബാത്വിനിൽ (ഉള്ളിൽ) എന്തൊക്കെയുണ്ടോ, അതെല്ലാം അവസാനിച്ചുപോകും.

ആദം സഫിയുല്ലാഹി വരുന്നതിന് മുമ്പ്, ആർക്കും ബാത്വിനിയായ അറിവ് (ആന്തരിക ജ്ഞാനം) ഉണ്ടായിരുന്നില്ലല്ലോ. അതുകൊണ്ട് അവരുടെ മേൽ ബാത്വിനിയായ അദാബ് വന്നതുമില്ല. ളാഹിരിയായ അദാബ് വരുമായിരുന്നു. ജനവാസ കേന്ദ്രങ്ങൾ ഒന്നടങ്കം നശിപ്പിക്കപ്പെട്ടു.

എന്നാൽ റസൂലുല്ലാഹിയുടെ കാലത്ത് എത്രയോ വലിയ ധിക്കാരികൾ ഉണ്ടായിരുന്നു. കർബല സംഭവം നടന്നു. നബി (സ) യുടെ പരിശുദ്ധ കുടുംബത്തെ രക്തത്തിൽ കുളിപ്പിച്ചു. ഒരു അദാബും വന്നില്ല. ഒരു അദാബും വന്നില്ലെന്നാണ് നിങ്ങൾ മനസ്സിലാക്കുന്നത്. ആദം സഫിയുല്ലാഹിക്ക് ശേഷം ബാത്വിനിയായ ജ്ഞാനം വന്നിരുന്നല്ലോ? ആദം സഫിയുല്ലാഹിക്ക് ശേഷം അല്ലാഹു ളാഹിരിയായ അദാബ് അയച്ചില്ല. എന്തുകൊണ്ട് അയച്ചില്ല? ളാഹിരിയായ അദാബ് അയച്ചാൽ തന്നെ, ഇവരുടെ ബാത്വിൻ പ്രകാശപൂരിതമായിരിക്കാമല്ലോ? അവരെ അപ്പോൾ സ്വർഗ്ഗത്തിലേക്ക് അയക്കേണ്ടി വരില്ലേ? അതുകൊണ്ട് ആദം സഫിയുല്ലാഹിന് ശേഷം ബാഹ്യമായ ശിക്ഷകൾ വന്നില്ല, ആന്തരിക ശിക്ഷകൾ (ബാത്വിനിയായ അദാബ്) മാത്രം വന്നു.

ഇനി എന്താണ് ബാത്വിനിയായ ശിക്ഷ? ബാത്വിനിയായ ശിക്ഷ എന്നാൽ, ആ ബാത്വിനിയായ ശിക്ഷ ആരുടെയെങ്കിലും മേൽ വർഷിക്കുമ്പോൾ, അല്ലാഹു മലക്കുകളെ അയച്ചുകൊണ്ട് പറയും, ഇന്ന ഗ്രാമത്തിൽ പോയി സംശയത്തിൻ്റെ ബാത്വിനിയായ കീടങ്ങളെ വർഷിക്കുക. ചിലരിൽ സംശയത്തിൻ്റെ കീടങ്ങൾ, ചിലരിൽ തെറ്റായ ധാരണയുടെ കീടങ്ങൾ, ചിലരിൽ അഹങ്കാരത്തിൻ്റെ കീടങ്ങൾ, ചിലരിൽ പിടിവാശിയുടെ കീടങ്ങൾ. ദുർവാശിയുടെ കീടങ്ങൾ.

സംശയത്തിൻ്റെ ആ ബാത്വിനിയായ കീടങ്ങൾ, പുഴുക്കൾ; അവയെ വർഷിക്കുകയും അത് ആളുകളുടെ ശരീരത്തിൽ വീഴുകയും, ഇഴഞ്ഞ് ഞരമ്പുകളിലേക്ക് കയറുകയും, ഉള്ളിൽ ഹൃദയം വരെ പ്രവേശനം നേടുകയും ചെയ്യുന്നു.

വഹ്മിൻ്റെ (തെറ്റായ ധാരണ) കീടങ്ങളുണ്ട്. ആർക്കെങ്കിലും വഹ്മിൻ്റെ രോഗം വന്നാൽ, രക്തത്തിൽ നിന്ന് വഹ്മിൻ്റെ ആ കീടങ്ങൾ പുറത്തുപോകാതെ അതിൽ നിന്ന് മോചിതരാകില്ല. ചിലപ്പോൾ ഗുസ്താഖിയുടെ (അനാദരവ്) കീടങ്ങളുണ്ടാകും, ശിർക്കിൻ്റെ കീടങ്ങളുണ്ടാകും. ഇങ്ങനെയൊക്കെയാണ് ബാത്വിനിയായ ശിക്ഷ ഇറങ്ങുന്നത്.